NUMAX proxecta 4 filmes do Festival de Cinema de Rotterdam a través do IFFR Live
O Cinema NUMAX participará do 29 ao 31 de xaneiro no IFFR Live, unha anovadora proposta desenvolvida polo Festival Internacional de Cinema de Rotterdam (IFFR), que permitirá aos espectadores de distintas salas de toda Europa asistir de xeito simultáneo a catro filmes de estrea proxectados no certame holandés.
Ademais do visionado dos catro filmes que serán proxectados en NUMAX, os espectadores poderán asistir en directo, vía streaming, á presentación desde Rotterdam de cada un dos filmes, a cargo dos seus directores e equipa técnica. Asemade, logo da proxección, os asistentes poderán participar nunha rolda de preguntas e respostas cos autores dos filmes a través de Twitter.
Os filmes escolmados polo IFFR para a súa proxección en NUMAX e en ducias de salas de toda Europa son: As I Open My Eyes (Leyla Bouzid), The Model (Mads Matthiesen), La novia (Paula Ortiz) e The Garbage Helicopter (Jonas Selberg Augustsén).
Deixamos a continuación a grella de proxeccións que, do 29 ao 31 de xaneiro, ofreceremos en NUMAX dentro do IFFR Live:
Venres 29 de xaneiro, 20:00: : As I Open My Eyes
Sábado 30 de enero, 16:00: The Model
Domingo 31 de enero, 16:00: La novia
Domingo 31 de enero, 20:00: The Garbage Helicopter
