Viaxe por unha América remota
A propósito da retrospectiva que Curtocircuíto dedicou ao cineasta italiano Minervini o pasado outubro, o director do festival, Pela del Álamo, propón un breve itinerario bibliográfico para viaxar a través da América que unha vez coñeceu "vagamente", segundo el mesmo nos conta.
Unha noite, viaxando en autobús polo deserto de Texas, tras pasar máis de seis horas sen cobertura, comecei a ter unha sensación angustiosa de illamento que me levou a redescubrir o significado do «remoto». Estados Unidos é un país vastísimo, o seu territorio é inabarcable e nel aínda quedan lugares perdidos que as estruturas do Estado non alcanzan a controlar. Lugares nos que non existen a lei e a orde como os entendemos en Europa. Alí, son as persoas e as súas comunidades quen cimentan e determinan a idiosincrasia e o carácter darwiniano da sociedade. Por isto –e pola súa mocidade– neste país, aínda salvaxe, a lei do máis forte segue sendo lei. Isto converte os estraños e os desfavorecidos en outsiders e marxinados. Pero, á súa vez, esa falta de normas e convencións favorece unha sorte de libre albedrío que dá lugar a certa autenticidade e riqueza. Dalgunha maneira, o lonxano oeste segue sendo aquel indomable oeste. E é naqueles mundos remotos de Texas onde Roberto Minervini e Diego Romero (o seu inseparable director de fotografía) penetran para rescatar da escuridade a beleza e a dor que agochan as profundidades desa América.
Elogiemos ahora a hombres famosos, James Agee/ Walker Evans
La cultura norteamericana contemporánea, Marvin Harris
America, Baudrillard
Las uvas de la ira, John Steinbeck
Crónicas de motel, Sam Shepard
Once, Wim Wenders
La última película. Larry McMurtry
Tulsa, Larry Clark
Open At Noon, Mark Powell
American Surfaces, Stephen Shore
Appalachian Lives, Shelby Lee Adams
Goodbye America. Brad Feuerhelm
Robert Adams. The New West
Libraría NUMAX |