A recuperación e estrea da metraxe orixinal de Sayat Nova, lévanos a nos mergullar no universo creativo do seu autor, o armenio Sergei Paradjanov quen, segundo o crítico Serge Daney, «é un deses autores (a cada volta máis raros) que fan cinema coma se ninguén tivese filmado antes». Na Libraría NUMAX podedes acceder a unha escolla bibliográfica relacionada co filme, desde estudos teóricos da filmografía do autor, até obras clave da literatura, da que o trobador Sayat Nova constitúe un dos máis singulares exemplos.

Seguir lendo

A visita de Luis Aller a NUMAX vén cargada de ideas e referencias que, en moitos casos, podedes atopar na nosa Libraría. O cineasta vén de nos achegar unha relación de libros e filmes que gardan relación co filme Transeúntes ou coa Aula «Os ollos verdes» que inaugura o sábado 20 de febreiro.

Seguir lendo

A recente estrea en NUMAX de Carol, de Todd Haynes, suscita toda unha serie de referencias que van desde o campo da fotografía urbana, até o ensaio bibliográfico ou os grandes títulos do melodrama clásico, pasando pola obra homónima de Patricia Highsmight. A partir das declaracións do propio Haynes en diversos foros e entrevistas, elaboramos un itinerario heteroxéneo cuxas obras poden atoparse na Libraría NUMAX.

Seguir lendo

Coincidindo coa estrea en NUMAX d'O fillo de Saúl propoñemos un itinerario bibliográfico que reflexiona arredor dun dos grandes traumas da humanidade no século XX. Os dilemas e debates á volta dos mecanismos axeitados para representar o Holocausto centran boa parte dos textos aquí suxeridos.

Seguir lendo

Froito da colaboración entre NUMAX e o Festival Escenas do Cambio —organizado pola Cidade da Cultura de Galicia—, agroma esta selección bibliográfica especializada na expresión corporal e escénica. O catálogo de títulos escolmados foi elaborado polos responsábeis da Libraría NUMAX en colaboración con Pablo Fidalgo, director artístico do festival.

Atlas, Ana Borralho e Joao Galante. Fotografía: Manuel G. Vicente

Seguir lendo

Estes foron os libros e dvd que máis se venderon na nosa libraría este mes

Seguir lendo