Laboratorio

A terceira peza de NUMAX é un estudio que ofrece servizos de deseño gráfico, comunicación e produción e posprodución de vídeo. O laboratorio NUMAX serve tamén de oficina desde onde se coordina toda a actividade interna da cooperativa e onde se procura a vertebración, creación e renovación constante do proxecto.

Servizos

Vídeo

  • Gravación e edición

    Gravación e edición de filmes, teasers, trailers e publicidade nas plataformas profesionais máis actualizadas do mercado e con fluxo de traballo completo en 4K.

  • Creación de DCP 2K e 4K

    Compilados segundo a norma DCI e os estándares Interop ou SMPTE. Inclusión de pistas de subtítulos (tamén sobre DCPs xa creados), conversión de audio de 25fps a 24fps, corrección de gamma.

  • Posprodución, corrección de cor e etalonaxe dixital

    Traballamos con diversos programas de composición e corrección de cor, segundo as necesidades específicas de cada produción: Davinci Resolve, After Effects, Motion... Tamén nos facemos cargo do conformado de proxectos en XML, EDL ou AAF e do revelado RAW dos distintos modelos de cámaras.

  • Autoría DVD / BluRay

    Transcodificación, deseño de menús e botóns, enrutamento, navegación. Deseño de carátulas e galletas e proceso completo de produción en simple e dobre capa.

  • Conversión de formatos de vídeo

    Conversión de formatos de vídeo a calquera dos contedores e códecs máis comúns da actualidade.

  • Subtitulado

    Proceso completo de subtitulado de filmes e vídeos de calquera tipo: tradución, transcrición, spotting list, sincronización, exportación a imaxes e inclusión de novas pistas en DCPs xa existentes.

Gráfica

  • Gráfica

    O laboratorio conta cunha división gráfica que compoñen Antonio Doñate (ata agora responsable de www.dongrafica.net) e X. Carlos Hidalgo, que veñen traballando nos últimos anos como deseñadores gráficos especializados no mundo editorial e na difusión cultural —cinema, arte contemporánea, música—, incluíndo tarefas de comunicación e creación de contidos.

  • Comunicación

    Pensamos o traballo de gráfica dende a perspectiva da comunicación e gústanos axudar os nosos clientes non só a poñer as cousas bonitas, senón tamén a desenvolver ideas, a poñerlle nome ás cousas ou a desenvolver ferramentas publicitarias.

  • Edición

    Levamos feito moitos libros e revistas, un terreo sobre o que traballamos tamén aproveitando as posibilidades de distribución da nosa librería.

  • Imaxe corporativa

    Contra o que se pensa normalmente, a imaxe corporativa non se limita á creación dun logotipo (moitas veces nin sequera é preciso un logotipo), trátase máis ben de estudar as necesidades de imaxe de cada empresa e que cousas se poden facer para que a xente poida identificala e mesmo facilite o traballo dentro da cooperativa a través dunha boa comunicación interna ou unha sinalización correcta dos espazos.

Aluguer de sala

Ofrecémosche a sala do Cinema NUMAX para presentar as túas longas e curtametraxes, para facer as presentacións e actos da túa entidade ou colectivo, para impartir cursos e conferencias, para pases de filmes e presentacións privadas, proxección de rushes, sneak previews e probas de proxección ou preestreas. Para o que queiras e precises.

A tarifa mínima de aluguer é de 250€ polas dúas primeiras horas + 125€ por cada hora adicional. Ive non incluído.