Nun barroco hotel, un estraño, X, tenta persuadir unha muller casada, A, de que abandone o seu marido, M, e marche con el. Baséase nunha promesa que ela lle fixo cando se coñeceron o ano anterior, en Marienbad, pero a muller parece non lembrar aquel encontro.

O pase inclúese no ciclo De Lugares e Órganos e vai contar con presentación e coloquio a cargo dos responsables da actividade. O filme proxectarase con subtítulos ao galego grazas ao traballo de Traduzebra e o apoio de De Lugares e Órganos.