Este documental propón unha viaxe pola vida e a obra de Julio Camba, un dos xornalistas máis populares da primeira metade do século XX. A través da memoria e das voces de biógrafos, xornalistas, intérpretes e amizades, o filme reconstrúe o seu percorrido vital polas cidades nas que viviu e escribiu (Bos Aires, Istambul, Londres, París, Berlín, Roma, Lisboa e Nova York) mentres asistimos ao seu derradeiro baño na habitación 383 do Hotel Palace de Madrid, onde pasou os últimos trece anos da súa vida. Ler máis
Portugal, 1968. O ditador António de Oliveira Salazar cae da cadeira e sofre un derrame cerebral. Ao regresar ao seu palacio para recuperarse, xa non é presidente, mais ninguén lle revela a verdade: nin a súa fiel gobernanta, nin as criadas, nin o médico que o atende. Illado e atrapado entre a enfermidade e o delirio, Salazar aférrase á idea do poder, mentres a fronteira entre a realidade e a alucinación se esvae. Quere vencer á morte ou simplemente perpetuar a súa propia ilusión de autoridade? Ler máis
Daniel Hirsh, médico homosexual de mediana idade, e Alex, unha muller divorciada, comparten —sen sabelo ao principio— unha relación co mesmo home: Bob, un artista máis novo ca eles. A medida que as historias se entrelazan, a película explora con serenidade e complexidade emocional os límites do amor, o desexo e a soidade. Ler máis
Frédéric leva unha vida académica acomodada: casado coa súa muller Hélène, avanza cara ao nacemento dun segundo fillo e goza dunha rutina tranquila. Mais a serenidade vese alterada cando reaparece na súa vida Chloé, un antigo amor libre e sedutor que devolve ao seu mundo a tentación e o desexo. A través de tardes informais, paseos e conversacións, Frédéric enfróntase á dúbida: permanecer fiel ao compromiso vello e seguro ou sucumbir á promesa dunha liberdade illada mais fugaz. Ler máis
En 2009, un home e dous cómplices tentan desaloxar os membros da comunidade indíxena Chuschagasta, no norte de Arxentina. Reclamando a propiedade da terra e armados con pistolas, matan o líder da comunidade, Javier Chocobar. O asasino queda gravado en vídeo. Tras nove anos de protestas, en 2018 ábrese finalmente o proceso xudicial. Durante todo este tempo, os asasinos seguen libres. Ler máis
Mentres a pandemia illa os uruguaios, Ariel proponse filmar a súa nai, Doris, unha destacada psicanalista. A través do seu relato, ela tece a historia da súa familia xudía que fuxiu de Alemaña, e tamén dos seus parentes nazis que ficaron. Fálanos de amor e desamor entre o seu pai xudeu e a súa nai alemá, filla dun nazi, e de como esa herdanza seuge a afectar as relacións entre pais e fillos 80 anos despois. Ler máis
Tras ser abandonada polo seu home, Mildred decide saír adiante pola súa conta e funda un exitoso negocio de restauración, sacrificando todo polo benestar da súa filla Veda. Mais a relación entre ambas, marcada pola ingratitude, a envexa e o desexo de ascenso social, acaba converténdose nun tormento que conducirá á destrución. "Alma en suplicio" é un melodrama clásico con trazos de film noir sobre o amor maternal levado ao límite, a culpa e o prezo da ambición. Ler máis
Ambientada na Inglaterra eduardiana, "Maurice" conta a historia dun mozo que loita por aceptar a súa identidade nunha sociedade que condena o amor entre homes. Maurice Hall, educado segundo os valores morais da súa clase, descobre o desexo e a súa verdadeira natureza a través da amizade e do amor con Clive Durham, compañeiro de universidade en Cambridge. Ler máis
Nas extensas chairas da Güiana venezolana, as palmeiras de moriche —árbores sagradas e fonte de vida para as comunidades locais— esténdense sobre unha terra atravesada pola cobiza. Baixo o seu manto húmido agóchase o ouro que atrae mineiros e aventureiros, transformando o ecosistema nun escenario de resistencia e ruína. Ler máis
120 horas de imaxes de arquivo: isto é o que resta de 35 anos de ditadura de Stroessner en Paraguai. A partir deste corpus de imaxes raras encontradas en todo o mundo, a película reconstrúe a historia dunha das ditaduras máis duradeiras do século XX, cuxos efectos aínda se deixan sentir hoxe en día. Ler máis
Nunha zona mineira dos suburbios de Pensilvania, Wanda —interpretada pola propia Barbara Loden— abandona o seu home, renuncia á custodia dos fillos e inicia unha errática viaxe polo lado máis escuro e marxinal do país. Rodada en 16 mm cun pequeno equipo de catro persoas, Wanda é unha obra fundacional do cinema independente estadounidense dos anos setenta, un retrato cru e luminoso dunha muller que busca, sen atopala, a súa liberdade. Ler máis
Tras o remate da Segunda Guerra Mundial, Henry Warren, un terratenente ambicioso, tenta facerse coas leiras dos seus veciños para construír un gran complexo agrícola. Mais atópase coa resistencia de dous pequenos propietarios: Rad McDowell, un veterano branco empobrecido, e Reeve Scott, un agricultor negro decidido a defender a súa herdanza familiar. Ler máis
Cincuenta anos despois do 25 de abril de 1974, Luciana Fina revisita as imaxes da Revolución dos Caraveis, a través dos arquivos da Cinemateca Portuguesa e RTP. Ler máis
Retrato dun cineasta valente, un enfant terrible nos seus inicios, combativo fronte á censura e sempre disposto a explorar os límites da liberdade de expresión. Cronista da cara máis escura da Transición, a súa traxectoria acabaría afundíndose nos infernos da drogadicción e no esquecemento durante máis dunha década. Repudiado por moitos, logrou finalmente saír do ostracismo e regresar ao seu verdadeiro vicio: o cinema, a adicción da que nunca conseguiu desengancharse. Ler máis
Unha das obras mestras do cinema dos setenta, que redefine o xénero negro desde a súa mirada máis amarga. Ler máis
Uns poucos días na vida dun famoso escritor, que enche o baleiro da súa existencia saltando dunha relación a outro, e a súa irmá, que se acaba de divorciar e ten unha traumática relación coa súa filla. Ler máis
En 1939, o transatlántico alemán St. Louis parte de Hamburgo con 937 xudeus a bordo, rumbo a Cuba, fuxindo da persecución nazi. Cando o barco chega ao seu destino, o goberno cubano négase a aceptar os refuxiados, e tamén os Estados Unidos e Canadá lles pechan as portas. Mentres a desesperanza medra entre os pasaxeiros e a tripulación, o capitán tenta manter a dignidade e evitar unha traxedia anunciada. Ler máis
“De que casa es?” foi a pregunta que tiveron que responder case tres mil nenos e nenas españolas exiliadas na Unión Soviética durante a Guerra Civil. Este filme reconstrúe a historia dunha delas, Angelita Pérez, nai da directora, que pasou vinte anos en internados rusos ata licenciarse en Medicina en Moscova. Ler máis
Clifford Groves é un fabricante de xoguetes, canso da rutina e coa impresión de non ser debidamente apreciado pola súa muller e os seus fillos. Reencóntrase cunha antiga amiga, Norma Miller Vale, á que non ve desde hai vinte anos e a partir de aí comeza a repensar a súa vida. Ler máis
Nun remoto val da fronteira norte de Xinjiang, en China, Arsin, un neno solitario de orixe kazaka, conserva apenas lembranzas da súa familia e atopa consolo entre as plantas que coida con delicadeza. A chegada de Meiyu, unha rapaza chinesa da etnia han, irrompe na súa rutina como o descubrimento dunha nova especie: estraña, fermosa e chea de misterio. Entre ambos nace unha amizade silenciosa, tan fráxil como o ecosistema que os rodea, na que aprenden a mirar o mundo como un océano sen límites. Ler máis
Reconstrución dos tráxicos acontecementos ocorridos en España no mes de xaneiro de 1977: o atentado dun grupo de ultradereita contra un despacho de avogados laboralistas vinculados ao Partido Comunista, no que morreron catro letrados e un administrativo, e quedaron gravemente feridos outros catro avogados. A matanza foi reivindicada pola Triple A (Alianza Apostólica Anticomunista) e formou parte dun intento de desestabilización da recentemente inaugurada democracia española. Ler máis
Sérgio, un enxeñeiro ambiental portugués, viaxa a Guinea-Bissau para realizar un informe de impacto dun proxecto de construción de estradas. Atrapado entre a calor e o illamento, coñece a Diara e Guilherme, dúas persoas locais que tamén buscan o seu propio camiño. Ler máis
Como falar do que non se conta? Lucía achégase á súa avoa Edilia na procura de respostas, mais só atopa silencio. Un silencio denso, doloroso, imposible de romper. Cando comprende que Edilia nunca lle dará as respostas que busca, ambas exploran os límites da palabra e da imaxe, convertendo ese silencio no seu lugar de encontro. Ler máis
Sesión dobre que inclúe a mítica secuela d'O exorcista' dirixida por John Boorman, e un documental que percorre a historia do filme, un dos maiores desastres críticos e comerciais da historia do cinema. Ler máis
Anos 70. Atraída polas luces da cidade, Jeanne, unha moza de dezaseis anos, foxe do fogar de menores onde vive nas montañas. Refúxiase nun estudio de cinema que explora ás agachadas durante a noite. Polo día, alí ródase "A Raíña das Neves", protagonizada pola enigmática Cristina. Fascinada pola beleza e o tormento da actriz, Jeanne cae baixo o seu feitizo, e entre ambas nace unha atracción mutua. Ler máis
A comezos do século XX, Teresa, unha muller chilena, chega a unha remota comunidade de pastores no interior de Dalmacia, afirmando ser a viúva dun irmán emigrado. A súa presenza altera o equilibrio dun mundo regrado e illado, xerando desconfianza e inquedanza, pero tamén unha inesperada inspiración entre as mulleres. Ler máis
Nun futuro no que a maioría da humanidade perdeu a capacidade de soñar, unha muller descobre que un ser extraordinario pode seguir percorrendo os mundos oníricos que os demais xa non poden alcanzar. Empregando o seu poder para adentrarse na mente do ser, accede ás súas visións sobre a historia chinesa, atravesando épocas, cinema e memoria. En cinco capítulos sensoriais, "Resurrección" opera como unha odisea visual sobre o cinema, o soño e a procura da eternidade. Ler máis
Lou Andreas Sand, unha antiga modelo recluída nunha casa á beira do mar, acepta contar a súa historia a un amigo fotógrafo que quere facer unha película sobre ela. A través da súa voz e da súa memoria fragmentada, reconstrúese o ascenso e a caída dunha muller atrapada entre a beleza, a fama e a inestabilidade emocional. Ler máis
Programa de curtas galegas composto por "Algo novo que contar", de Paula Pereira; "Ciudá de ladrillo", Carlota Álvarez; "Danza propia", de Andrea Zapata-Girau; e "Pura" de Carmen Méndez. Ler máis
Nun pequeno barrio gris, suspendido fóra do tempo, Elisa, unha moza intelixente e curiosa de dezaoito anos, é elixida para ir traballar ao Norte, unha honra que enorgullece á súa familia e á comunidade enteira. Porén, ninguén regresa dese lugar: tamén a súa irmá maior marchou e nunca volveu. Mentres a nai aforra desesperadamente para gañar na lotaría e reunirse coas fillas, Elisa comeza a cuestionar se marchar é realmente o mellor destino. Ler máis
Na selva peruana, Meshia, unha adolescente matsigenka, atopa a Iván, un mozo desaparecido hai dous anos. Tras levalo ao hospital e reunilo coa súa familia, é acollida por eles e comeza a traballar no seu bar. Ler máis
Laura Mars, unha fotógrafa de Nova York famosa polas súas imaxes provocadoras de violencia e erotismo, comeza a ter inquietantes visións: ve a través dos ollos dun asasino mentres este comete os seus crimes. A medida que as mortes se achegan ao seu círculo máis íntimo, Laura tenta distinguir entre a inspiración artística e a obsesión, entre a realidade e a alucinación. Ler máis
En Suíza, o movemento scout non é unha reliquia do pasado, senón unha realidade viva e entusiasta. Este documental acompaña un grupo de mozos e mozas durante catorce días de convivencia nun campamento instalado nun val suízo, onde milleiros de adolescentes constrúen unha pequena vila temporal. A través das súas actividades —traballo en equipo, aprendizaxe, disciplina, reflexión e alegría compartida— o filme retrata o idealismo e o sentido ético que sustentan o espírito scout. Un retrato luminoso e cheo de vida sobre a amizade, a responsabilidade e o tránsito á madurez. Ler máis
Masha, unha modelo que busca o traballo dos seus soños en China, e Misha, un pintor que traballa nun depósito de cadáveres, entablan unha relación profunda e tráxica. Ler máis
Adaptación cinematográfica do libro La película de la vida de Maite Carranza. Entre risas, prantos, maxia e amizade, descubrirán que son os incribles heroes cotiáns das súas propias vidas. Ler máis
Toni ten 15 anos e vive na Cañada Real, o asentamento irregular máis grande de Europa, nas aforas de Madrid. Orgulloso de pertencer á súa familia de chatarreiros, pasa os días ao carón do seu avó, ao que admira e segue a todas partes. Pero as máquinas de demolición ameazan con arrasar con todo o que coñecen. Ler máis
Johanne é unha rapaza que namora perdidamente da súa profesora de francés. Desexando preservar os seus sentimentos, a moza documenta as súas emocións por escrito. Cando a súa nai e a súa avoa o len, ao principio reaccionan con sorpresa ante o seu contido íntimo, pero axiña fican cativadas pola súa calidade literaria. Ler máis
29 de xaneiro de 2024. Os voluntarios da Media Lúa Vermella reciben unha chamada de emerxencia. Unha nena de 6 anos está atrapada nun coche baixo o fogo en Gaza, suplicando ser rescatada. O seu nome, Hind Rajab. Ler máis
Unha filla disponse a buscar a verdade sobre quen foi seu pai, un músico lendario, falecido cando ela tiña 8 anos. El é Antonio Flores, ela a tamén célebre actriz Alba Flores. Ler máis
As irmás Nora e Agnes reencóntranse co seu distanciado pai, o carismático Gustav, un antigo director de renome que lle ofrece á súa filla Nora, actriz de teatro, un papel na súa próxima película. Nora rexéitao e pronto descobre que lle deu o seu papel a unha nova e entusiasta estrela de Hollywood. Ler máis
Donostia, 1978. Os traballadores da fábrica de contadores de auga reúnense en asemblea para debater unha folga que finalmente non prospera. Decepcionados, os máis inconformistas dirixen as súas aspiracións de transformación social cara a ámbitos máis íntimos. Ler máis
Orsolya é alguacila na cidade de Cluj, en Transilvania. Fiel ao seu cargo, debe executar o desafiuzamento dun home sen teito que vive no soto dun edificio do centro destinado a converterse nun hotel de luxo. Ler máis
Cando Tom , Susan e Derek visitan ao seu avó por primeira vez desde que perderon á súa amada avoa, atopan a casa tranquila e o seu avó distante. Inspirándose na súa avoa, Suzan asume o papel de narradora, creando contos encantadores para recuperar a calidez. Ler máis
Alxeria, 1938. Meursault (Benjamin Voisin), un home tranquilo e reservado duns trinta anos, asiste ao funeral da súa nai sen derramar unha bágoa. Ao día seguinte, inicia unha aventura con Marie (Rebecca Marder), unha compañeira de traballo, e volve á súa rutina con aparente normalidade. Ler máis
Cinco aventuras cheas de poesía, para celebrar a chegada do inverno e o Nadal. Ler máis
Unha actriz viaxa ás Azores para actuar n'A tempestade' de William Shakespeare, pero ao chegar non encontra nin compañía nin teatro. Tras coñecer a Ariel, descobre que a obra xa comezou: a illa enteira é un teatro e os seus habitantes son personaxes. Ler máis
Tres historias sobre relacións distantes entre pais e fillos. Todas teñen lugar na actualidade, pero cada unha nun país diferente. O filme é estudo de personaxes tranquilo, observacional e sen prexuízos. Unha comedia pero entretecida con fíos de melancolía. Ler máis
Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.
Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.
Os ollos verdes é o nome da sección do cinema NUMAX na que se estrean aqueles filmes que traballan por anovar e reformular as maneiras de ver e contar e que non atopan adoito un espazo nas carteleiras.
A Libraría NUMAX acolle a presentación de El accidente (Libros del Asteroide) de Blanca Lacasa o venres 14 de novembro ás 19h. A autora estará acompañada pola xornalista Andrea Villa. A entrada é libre ata completar aforo.
Derradeiro encontro da actividade de NUMAX, «Dicir as marxes», o mércores 13 de novembro ás 20h. O arqutiecto Plácido Lizancos e o antropólogo Íñigo Sánchez-Fuarros clausururán o ciclo cun evento que leva por título «Feo ti. O útil e o bonito no patrimonio arquitectónico». Esta actividade está comisariada pola Libraría NUMAX e subvencionada pola Deputación da Coruña.
O martes 11 de novembro a libraría NUMAX ofrecerá un desconto do 5% en todas as compras de libros tanto en tenda como na web para conmemorar o Día das Librarías. Tamén o celebraremos coa presentación de Corpus (Através) de Raquel Miragaia.
