VOSE
VOSE
VOSE
A inicios dos anos 2000, en China, Qiaoqiao e Bin viven un amor apaixonado pero fráxil, cantando, bailando e gozando de todo o que a cidade de Datong lles pode ofrecer. Pero un día Bin decide probar sorte noutra provincia máis grande e marcha sen avisar nin deixar rastro. Tempo despois, Qiaoqiao decide emprender unha viaxe para tratar de localizalo. Ler máis
Mina de zinc de Novo México, 1951. Os mineiros de orixe mexicana néganse a seguir recibindo salarios inferiores aos dos seus compañeiros anglosaxóns pola realización do mesmo traballo. Á súa vez, as mulleres néganse a seguir tendo un papel inferior ao do home na sociedade. Ler máis
Esta sesión especial propón unha viaxe polo universo de Adrián Canoura, cineasta e artista que leva máis dunha década explorando as posibilidades do cinema como ferramenta máxica, política e sensorial; unha inmersión visceral nas raíces galegas e a vangarda visual. Ler máis
Un home (Sergi López) e o seu fillo (Bruno Núñez) chegan a unha rave perdida no medio das montañas do sur de Marrocos. Buscan a Mar, a súa filla e irmá, desaparecida hai meses nunha desas festas sen amencer. Reparten a súa foto unha e outra vez rodeados de música electrónica e un tipo de liberdade que descoñecen. Ler máis
Unha experimentada bailarina (Pamela Anderson) debe planificar o seu futuro cando o seu espectáculo remata abruptamente tras unha carreira de 30 anos. Como bailarina de cincuenta anos, debátese por saber que facer a continuación. Como nai, esfórzase por reparar unha tensa relación coa súa filla. Ler máis
Xapón, século XVI. Durante a guerra civil, os aldeáns Genjuro e Tobei pretenden facer fortuna: Genjuro como alfareiro e Tobei como samurai. Ambos deixan as súas esposas abandonadas para cumprir cos seus ambiciosos soños. Ler máis
Suzanne é unha moza de dezaseis anos cunha vida sexual moi activa pero sen interese polas relacións románticas. Na súa casa, a situación é tensa: seu pai abandonounos, súa nai ten tendencias neuróticas e seu irmán bate nela. Ler máis
Despois de ter sido abandona por seus pais, François, un neno de nove anos, é acollido por unha familia obreira. Pero decátanse de que o neno ten graves problemas de comportamento e axiña se converte nunha carga para eles. Os servizos sociais búscanlle unha nova familia de acollida, unha vella parella que coida doutro neno abandonado. Ler máis
Crónica da degradación dunha parella. A partir dos avatares amorosos de Jean, un cineasta colérico e violento, e Catherine, amante infantil e neurótica, Pialat traza o relato implacable dun amor que se resiste á súa disolución. Ler máis
Drama centrado nunha muller que se atopa na última etapa dunha enfermidade terminal e as consecuencias que esta situación ten nos seus seres máis próximos. Ler máis
Lang regresa á súa cidade natal despois de saír do cárcere. Mentres traballa limpando a cidade de cans da rúa antes dos Xogos Olímpicos, establece unha conexión inesperada cun can negro. Ler máis
Bob, traballador en paro, vive coa súa muller Anne e a súa filla Coleen nun barrio pobre do norte de Inglaterra. Aínda que a súa situación económica é moi precaria, fiel ás tradicións católicas, vai facer o necesario para que a súa filla leve un fermoso vestido o día da súa primeira comuñón. Ler máis
Joan sempre soubo o que quería desde que era unha nena. Agora está a piques de casar cun millonario, pero as forzas da natureza parecen conspirar para que mude de idea. Ler máis
París, verán de 1960, o antropólogo e cineasta Jean Rouch e o sociólogo e crítico de cinema Edgar Morin saen ás rúas de París para descubrir como a xente lle fai fronte á vida. Ler máis
Unha universidade feminina celebra un festival de teatro e unha das profesoras, Jeonim, chama a seu tío para que dirixa a peza que ensaian as alumnas. O home, de gran prestixo como actor e director antes de caer en desgraza, involúcrase nun incidente escandaloso entre os estudantes e Jeonim. Ler máis
Joan xa non está namorada de Victor e sofre por non estar a ser honesta con el. Alice, a súa mellor amiga, tranquilízaa asegurándolle que ela mesma non sente paixón pola súa parella Eric, e porén a súa relación vai vendo en popoa. Alice ignora que el ten unha aventura con Rebecca, a súa amiga común. Ler máis
Nunha Canadá ficticia, apróbase unha lei que permite que os pais incapaces de controlar os seus fillos problemáticos os internen nun centro especial. Porén, Diane "Die" Despres, unha nai viúva con carácter, decide educar ela mesma o seu fillo adolescente Steve, que padece ADHD e que pode chegar a resultar violento. Ler máis
Período de entreguerras. Porco é un cocho aviador que frustra todos os actos de piratería perpetrados polos piratas aéreos do Adriático. Ler máis
Lily Trevino é unha moza insegura e solitaria que vén de ser abandonada por seu pai. Cando decide seguilo en Facebook atopa un perfil co mesmo nome que el. Así coñece a Bob Trevino, un home que perdeu a seu fillo e co que entabla unha estreita amizade que podería mudar a súa vida para sempre. Ler máis
Mona (Sandrine Bonnaire) é unha moza vagabunda atopada morta nun foxo. A súa historia recente seranos contada en flashbacks. Así coñecemos os seus últimos meses de vida, o seu desarraigo social e as súas relacións coa xente que coñeceu. Ler máis
Jaibo é un adolescente que foxe dun correccional e se reúne no barrio cos seus amigos. Uns días despois, Jaibo mata, en presenza do seu amigo Pedro, ao rapaz que supostamente tivo a culpa de que o enviasen ao reformatorio. A partir de entón, os destinos de Pedro e Jaibo estarán traxicamente unidos. Ler máis
Cando era pouco máis que unha adolescente, Hana namorou dun Home Lobo. Pode parecer estraño, pero durante anos foron inmensamente felices e tiveron dous fillos: Yuki e Ame, que naceron tamén coa capacidade de converterse en lobos. Ler máis
É a época da unificación de Italia arredor do Piamonte, cuxo artífice foi Cavour. A acción desenvólvese en Palermo e os protagonistas son don Fabrizio, Príncipe de Salina (Burt Lancaster), e a súa familia, cuxa vida se ve alterada tras a invasión de Sicilia polas tropas de Garibaldi (1860). Ler máis
Unha das máis acedas, enxeñosas e brillantes sátiras da alta sociedade xamais filmada. Un vagabungo é contratado por unha moza para servir na luxosa mansión da súa familia, situada na elegante quinta avenida neoyorkina. Ler máis
A historia céntrase en Sosuke, un rapaz de cinco anos, e a súa relación cunha princesa peixe que ansía converterse nun ser humano. Ler máis
Nunha cidade do norte de Francia, uns cantos adolescentes ven achegarse o exame de bacharelato cunha ansiedade atemperada pola indiferenza. Para eles é un ano de conflitos cos adultos e cos seus mestres, que ven o exame como un pasaporte ao traballo. Máis ben un pasaporte ao paro, pensan os desilusionados mozos. Ler máis
Kyuta é un neno solitario que vive en Tokio, e Kumatetsu é unha criatura sobre natural illada nun mundo fantástico. Un día, o neno cruza a fronteira ao outro mundo e entabla amizade con Kutmatetsu. Ler máis
Nelly, unha muller burguesa de vida ordenada, coñece unha noite a Loulou, un mozo marxinal. Cando o seu marido a bota violentamente de casa, vai vivir con el. Axiña queda embarazada, pero Loulou non cambia a súa vida de inadaptado, dividida entre os amigos e os pequenos roubos nocturnos. Ler máis
A aventureira duendecilla Elfkin, Elfie, soña cunha vida máis emocionante, onde poida combinar a súa típica vida segreda dos Elfkins coa diversión e adrenalina. Para desgusto dos membros máis maiores do seu clan, que queren que todo siga igual. Ler máis
O inspector Maugin vai á caza de traficantes de droga de pouca monta. Nunha redada policial, coñece a Noria, a noiva dun camelo, e namora dela. Ler máis
Unha casamenteira de moitísimo éxito construíu un imperio facendo que parellas perfectas rematen xuntas. Porén, a súa vida dá un xiro inesperado cando se ve atrapada nun perigoso triángulo amoroso con dous clientes, que son irresistibles pero incompatibles. Ler máis
No máis alto dos Alpes suízos, Heidi vive feliz canda ao seu avó, desfrutando da natureza e a liberdade da montaña. Cando recibe un convite para pasar o verán na costa, a emoción da aventura ilusiónaa, pero todo muda ao atopar un lince ferido. Ler máis
Un seminarista mediocre, o abade Donissan, atormentado polo mal e polo fracaso da súa misión, autoinflíxese mortificacións e non logra conectar cos seus fregueses. Ata o día que coñece a moza Mouchette, que acaba de cometer un grave pecado. Ler máis
Gérard ve medrar o seu fillo, o pequeno Antoine. Ten a sensación de que nunca quixo tanto a ninguén e ninguén o quixo tanto. Están Sophie, a súa exmuller, a súa amante… E a vida segue. Ler máis
Serie de curtametraxes documentais realizadas durante as viaxes de Maurice Pialat a Turquía en 1963. Ler máis
Tras estar internado no manicomio, Vincent Van Gogh instálase en Auvers-sur-Oise, en casa do doutor Gachet, un afeccionado á arte. Os últimos días do pintor están marcados polas súas conflitivas relacións co seu irmán Theo e pola súa inestable saúde mental. Ler máis
Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.
Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.
Os ollos verdes é o nome da sección do cinema NUMAX na que se estrean aqueles filmes que traballan por anovar e reformular as maneiras de ver e contar e que non atopan adoito un espazo nas carteleiras.
O gran protagonista do verán de NUMAX vai ser Maurice Pialat, un dos outsiders clave do cinema post-Nouvelle Vague, de quen se cumpre neste 2025 o centenario do seu nacemento. O ciclo arranca este venres 4 de xullo coa estrea durante unha semana do extraordinario coming-of-age Aos nosos amores, ao que seguirán, en pases dobres en venres e sábado, as obras que completan a súa filmografía. Xa se poden reservar as entradas para todas as sesións do mes de xullo.
A nosa programación do mes de xullo inclúe un ciclo moi especial. Dentro da celebración do décimo aniversario da cooperativa, convidamos as 10 espectadoras e espectadores máis habituais de NUMAX a que programen e presenten cadanseu filme de cabeceira. O resultado é 10/10. As espectadoras presentan, un ciclo cheo de obras mestras de todas as épocas e estilos. Xa se poden reservar entradas para a primeira semana!
A Libraría NUMAX acolle a presentación de Oreja madre. Mi cuestión judía (Caja Negra) de Daniel Zelko o mércores 9 de xullo ás 19:00h. O autor estará acompañado pola escritora e investigadora María Salgado. A entrada é libre ata completar aforo.
