O luns 25 de outubro ás 20:45 celebramos o Día de Lorca en Galicia coa proxección do noticieiro La Barraca de Lorca, xira por Galicia (1932). O acto contará coa participación do editor Henrique Alvarellos e o fotohistoriador Carlos Castelao. O evento está apoiado pola Concellaría de Acción Cultural representada no acto pola concelleira Mercedes Rosón.
Ver máisA Libraría NUMAX acollerá a presentación do libro En mar abierto (Pepitas de Calabaza) do activista Eduardo Romero. Esta actividade, que se enmarca dentro do ciclo «Futuros. Conversas arredor de outros mundos posibles», terá lugar o xoves 21 de outubro ás 20:00h. Co autor estará Lorena Relión, traballadora social e membro de Resistencia en Terra Allea.
Logo de sete intensos meses o ciclo Intemperiadas. Correspondencias interartes con Xela Arias chega á súa fin nun último encontro coas autoras e obras que encheron de luz e ideas a actividade. Será este sábado 16 de outubro de 12:00 a 14:00 horas na Libraría NUMAX. Intemperiadas é unha actividade comisariada por Charo Lopes e apoiada pola Deputación da Coruña.
