Socio fundador (Lugo, 1981) Realizador e montador de vídeo. Os seus filmes víronse en museos, filmotecas e festivais de todo o mundo, entre eles BAFICI (Buenos Aires), FID Marseille, Courtisane (Gante), Márgenes, S8, Cineuropa, Xcéntric, Antofadocs (Antofagasta), CGAI (A Coruña), CCCB (Barcelona) ou Museo Reina Sofía (Madrid). É o responsábel do Cinema NUMAX e de NUMAX Distribución. Foi presidente de NUMAX entre 2014 e 2019.
Socia fundadora (Pontedeume, 1982). Traballou como libreira en Barcelona na libraría La Central (2009-2014) e é graduada pola Escola de Llibreria da mesma cidade (Universitat de Barcelona, 2014). É licenciada en Filoloxía Hispánica (2005) e DEA en Edición e anotación de textos literarios españois (2007) cun TIT sobre Flor de santidad de Valle-Inclán. Tamén colaborou como lectora para RBA Libros. É a responsábel da libraría NUMAX. Foi presidenta de NUMAX durante 2019 e 2020.
Socio traballador (Madrid, 1984) Realizador, director de fotografía titulado polo CECC (Barcelona), e montador de vídeo. A súa primeira longametraxe, Fóra (2012), estreouse no CPH:DOX (Copenague), e viuse en museos, mostras e festivais internacionais, entre os cales Museo Reina Sofía (Madrid), Alcances (Cádiz), Play-Doc (Tui), Documenta (Madrid), Kinomuzeum (Varsovia) ou L'Alternativa (Barcelona). É o responsábel de vídeo do Laboratorio NUMAX.
Socio fundador (A Guarda, 1982) Deseñador gráfico e xornalista, foi responsábel durante dez anos da edición de textos e imaxe gráfica do Cineclube de Compostela e traballou durante sete no estudio de deseño Uqui/Cebra. Publica crítica literaria, ilustración, autoedicións e colaborou no deseño de portadas e cartelaría co selo musical Discos da Máquina. Desde 2013 ocúpase canda Antonio Doñate do deseño da revista Luzes. É o responsábel do Laboratorio NUMAX.
Socio traballador (Madrid, 1969) Deseñador gráfico especializado en deseño cultural, traballou desde 2000 no seu estudio Don gráfica até a súa incorporación a NUMAX. É o responsábel gráfico do MARCO (Museo de Arte Contemporánea de Vigo), Festival Sinsal ou Culturgal, entre outros. Desde 2013 ocúpase canda X. Carlos Hidalgo do deseño da revista Luzes. Ten dúas novelas publicadas na editorial Caballo de Troya: La paz social e Acceso al comportamiento. É o responsábel de gráfica do Laboratorio NUMAX.
Socio traballador (Ferrol, 1982)
Xornalista e investigador, doutorouse en Ciencias da Comunicación pola USC coa tese Do amateur ao militante: implicacións políticas e estéticas do cinema en formato non profesional na Galiza dos anos setenta. Traballou no departamento de comunicación de Vieiros, Compostela Cultura, Netclub, Emprendia, AGN, IGAPE e Auditorio de Galicia. Foi socio fundador do Cineclube de Compostela e publica crítica cinematográfica en diversos medios especializados. En 2012 dirixe canda Pablo Cayuela o filme documental Fóra, estreado no CPH:DOX de Copenhague. É o responsábel de comunicación de NUMAX.
Socia traballadora (Santiago de Compostela, 1986)
Licenciada en Comunicación Audiovisual pola Universidade de Vigo con estadía na Universitat de Barcelona e Máster en Dirección de Arte e Escenografía pola ESCAC (Barcelona). Completou o ciclo superior de Arquitectura Efémera na EASD Mestre Mateo e o posgrao en Guión e Produción USC-U.Lisboa-New Media College Dublín. É directora de arte, atrecista e ilustradora. Traballou en cinema, teatro e televisión, como intérprete e na coordinación de eventos. É libreira e responsábel de actividades de NUMAX.
Socia traballadora (Viveiro, 1979)
Xornalista e escritora, a súa traxectoria xornalística está ligada a gabinetes de comunicación institucionais. Experta en asesoría, coordinación e deseño de procesos de comunicación e marketing, é responsábel de contidos do Laboratorio NUMAX e corresponsábel da comunicación de Numax.
(Castro de Rei, 1951) Catedrática de Comunicación Audiovisual da USC, escritora, cineasta e membro da Real Academia Galega. Foi Premio Nacional da Cultura Galega na modalidade de cinema e audiovisual en 2008. É a socia colaboradora de NUMAX.
