Cinco pílulas máxicas, cinco libros fundamentais para o artista Jorge Varela, que estará o martes 23 de xullo ás 20:00 connosco para presentar o Episodio #02 de Creación Contemporánea. As súas Notas á marxe falarannos da íntima relación que establece a escultura e o relato de ficción nos seus últimos proxectos artísticos.

Seguir lendo

Os disturbios de Stonewall cumpren medio século este ano. Unha redada policial matutina nun pub do barrio neoyorquino de Greenwich Village acabou converténdose nunha batalla campal que durou todo o verán de 1969. As continuas manifestacións que foron as catalizadoras do Movemento de Liberación Gai enarbolaban a bandeira da loita polos dereitos civís do colectivo LGTBI, levándoa á primeira liña de actualidade, ata hoxe, onde se conmemoran en moitas cidades do mundo.

Na Libraría NUMAX tamén celebramos este 28 de xuño, Día do Orgullo LGTBI, con este itinerario literario orgulloso e actualizado coas últimas novidades.

Seguir lendo

Con motivo da visita da artista viguesa Carme Nogueira para presentar a súa intervención nos Episodios de Creación Contemporánea publicamos este pequeno percorrido bibliográfico. O seu  Episodio #01 Vida hurdana. O que escriben os nenos presenta un diálogo simulado entre Luis Buñuel e o alumnado de dúas escolas de Las Hurdes (Extremadura). O documental Las Hurdes, tierra sin pan, rodado por Buñuel en 1932, foi fundamental para mostrar unha imaxe da España da época, pero tamén contribuíu a unha controvertida popularidade da rexión cuxas recepcións seguen aínda en liza. Esta imaxe contrastaba coa metodoloxía pedagóxica Freinet que coetaneamente á rodaxe de Buñuel se aplicaba nesas dúas escolas da rexión e que promovía entre as súas prácticas que o alumnado elaborara os seus propios manuais cunha imprenta escolar.

Seguir lendo