Lola, unha adolescente de 16 anos, está a preparar as materias que ten que recuperar cando aparece a posibilidade de ir estudar un semestre en Alemaña. Lola quere viaxar, pero a súa familia, absorbida polo trastorno mental da súa irmá maior, non quere que faga a viaxe. A inestabilidade e o desgaste no vínculo coa súa familia fan que Lola persista coa súa idea e saia a buscar novas experiencias que lle devolven outra mirada sobre si mesma e as circunstancias que a rodean.