As tres narracións propóñennos unha viaxe que nos transporta a universos visuais únicos partindo do simbolismo de cores e formas. Fálannos de convivencia, da posibilidade de pescudar de onde provén cada un e da transcendencia de realizar estas viaxes emocionais.

En Astros inmóviles coñecemos a Chenghua, unha nena de nove anos a quen lle toca asumir a responsabilidade de facer de tradutora para seus pais, de orixe chinesa, e busca evadirse coa súa afección polo espazo. En Luce e a rocha descubrimos a amizade entre dous personaxes que, pese a parecer que non teñen nada en común, se enfrontan xuntos ao seu medo ao descoñecido. Na fábula O nacemento dos oasis unha serpe de sangue frío e un camelo de sangue quente de máis fanse amigos até a fin dos seus días.