Dividida en sete episodios, esta serie de culto de Maurice Pialat conta a historia duns nenos parisinos que, a causa da Primeira Guerra Mundial, son enviados a unha vila da Francia rural, onde son acollidos por un matrimonio con tres fillos. Pialat consideraba A casa do bosque a súa mellor obra. Porén, esta serie de televisión, invisible durante trinta anos e nunca emitida no noso país, segue a ser a grande obra mestra descoñecida do director de Aos nosos amores.

Nesta primeira sesión proxectaremos os episodios que van do 1 ao 4.