A danza macabra é un antigo xénero artístico, representación alegórica da morte como danzante esqueleto que nos lembra que os goces mundanos teñen o seu fin. Escoitar falar a Jean-Louis Schefer (escritor, filósofo, crítico e teórico de cinema) das danzas macabras, é sen dúbida un goce mundano, aquí envolto en paisaxes portuguesas, museos e abadías. E filmado por Rita Azevedo, que compón cada plano coma se fose un cadro, e editado por Pierre Léon, que pon en paralelo ás súas palabras un lúdico percorrido pola historia do cinema, das Silly  Simphonies a Renoir, Mizoguchi e Buñuel.

Entrada gratuíta até completar a capacidade da sala. Retirada de convites na billeteira a partir do venres antes da sesión (máximo 2 por persoa).