Este documental segue o caso de tres mozas norueguesas que foron detidas en 2008, no aeroporto de Cochabamba, con 22 kg. de cocaína na súa equipaxe. A película rexistra a ampla cobertura mediática do caso por parte dos medios bolivianos e noruegueses. Descríbense as detencións, os xuízos e a fuga de dúas delas. De estilo máis próximo ao traballo xornalístico que ao documental, é a primeira parte da denominada Triloxía da guerra contra as drogas. A pesar do interese dos festivais noruegueses polo filme, a directora está a denunciar presións que impiden a súa proxección.