Teñen trinta anos pero viven como cando tiñan vinte, aínda que xa non teñen idade para converterse en novas promesas. Están namoradas do amor pero, na súa procura, esnaquízanse unha a outras, errando de exmoza en exmoza, de relación en relación.

Co pop e a autoficción como pano de fondo e a aparición dunha coñecida cantante que nunca sabemos se é do todo real, La amiga de mi amiga é un xogo que se inicia cando Zaida, despois dunha ruptura, volve á cidade.