Manuela e Olmo reencóntranse nun futuro que prometeran quince anos antes, cando eran adolescentes e viviron o seu primeiro amor. A partir desta premisa romántica, La reconquista é en realidade un filme en busca do tempo; ou sobre a conciencia do tempo: do tempo perdido e do tempo recuperado; sobre o que lembramos de nós mesmos e sobre o que non lembramos; sobre as palabras, os xestos e os sentimentos aos que seguimos gardando fidelidade, porque nos definen e nos interpelan no presente, o pasado e o futuro.