Pouco se sabe da misteriosa figura de Isabel Santaló, unha artista na vellez, hoxe esquecida. Pero, de vez en cando, algunhas visitas aparecen na súa casa. A través delas, e da voz de Antonio López, o único pintor da súa xeración que a recorda, perfílase un filme poliédrico que sorpresivamente se transforma. Un filme sobre a memoria e o esquecemento, sobre a arte e o proceso creativo, sobre que significa ser muller e unha artista.

Filme enmarcado dentro da iniciativa Historias para contarnos, o ciclo de cine que reivindica a presencia da muller no audiovisual da man da distribuidora Begin Again Films.