Rigo Pex é un enxeñeiro de son serio pero excéntrico cuxa cómoda vida vese de súpeto perturbada por un estraño fenómeno: o Pink Flamingo. Estes paxaros rosas semellan seguilo a todas partes, levando a Rigo a unha investigación para revelar o seu misterioso significado. Estudará o seu impacto na nosa sociedade e viaxará a Estados Unidos para coñecer unha serie de dispares personaxes que expresan a súa personalidade coa súa figura: a sensación de Internet Pink Lady, a gurú da música Allee Willis, a banda technopop Kero Kero Bonito, o enfant terrible Eduardo Casanova ou o cineasta de culto John Waters, entre moitos outros. Rigo será o noso guía ao longo desta viaxe sobre como as iconas poden axudarnos a atopar a nosa propia identidade e a cambiar as nosas vidas.