Scott Carey navega coa súa muller nunha lancha motora e, mentras ela vai buscar unha cervexa, vese envolto nunha estraña nube. Meses despois, empeza a notar estraños cambios no seu corpo: pouco a pouco vai perdendo peso e altura até facerse case invisíbel. A partir de entón, a súa vida será un pesadelo, unha loita constante pola supervivencia, na que o cotiá (un gato, unha araña) representa para el unha ameaza mortal que só o seu enxeño pode conxurar.