Dirixida, escrita, producida, fotografada e composta por Hong Sangsoo na súa faceta de home-orquestra do cinema, "Que che di esa natureza?" segue o mozo poeta Donghwa (Ha Seongguk), que visita por vez primeira a casa familiar da súa moza Junhee (Kang Soyi), descubrindo que é máis grande e luxosa do que pensaba. Alí coñece os seus sogros e a súa cuñada, e acaban pasando o día xuntos, entre conversas, comida e bebida. Conforme flúe o alcol, irán xurdindo tensións e revelándose segredos.