O adolescente Marty McFly é amigo de Doc, un científico ao que todos toman por tolo. Cando Doc crea unha máquina para viaxar no tempo, un erro fortuíto fai que Marty chegue a 1955, ano no que os seus futuros pais aínda non se tiñan coñecido. Despois de impedir o seu primeiro encontro, deberá conseguir que se coñezan e casen, do contrario, a súa existencia non sería posible.

A reestrea de Regreso ao futuro no seu 40 Aniversario combinará pases dobrados (VE) con outros en versión orixinal subtitulada (VOSE). A versión estará indicada en cada unha das sesións.