Seymour, un mozo dependente dunha floristería, está namorado da súa compañeira Audrie, pero ela sae cun sádico dentista. Un día, xusto despois dun estraño eclipse, Seymour merca unha pequena planta, á que bautiza como Audrie II. A planta comezará a moverse e mesmo a falar con Seymour, de maneira que se converte nunha atracción para a cidade. O que ninguén sabe é que se trata dun ser que se alimenta de sangue humano.

O filme contará con pases en versión orixinal subtitulada (sábado 1 de novembro) e dobrada ao español (domingo 2).