Spleen (Luis Tosar), un tipo pouco corrente, pasa as noites filosofando até o amencer na compaña dos seus amigos da Taberna dos Dramáticos, santuario bohemio que frecuenta desde hai anos. Despois de tres meses de choiva ininterrompida, de súpeto unha noite deixa de chover. Spleen sae daquela mercar pan e coñece a Rusa (Nora Tschirner), unha muller loura que encarna as súas ilusións. Xuntos emprenden unha viaxe insólita, tenra e surrealista a través da noite e do interior de si mesmos que transformará a súa vida por completo.

A longametraxe irá precedida da curta A danza de Katiuska (1998, 15 min), protagonizada por Luis Tosar e Ursia Gago e premiada a Mellor Actor e Fotografía nos Premios Agapi 1999 (actuais Mestre Mateo).

O pase contará con presentación e coloquio con Miguel de Lira e Alfonso Zarauza.