A historia dunha extraordinaria e inesperada amizade que xorde nos últimos anos do reinado da soberana Victoria (a oscarizada Judi Dench). Abdul Karim, un mozo secretario indio, desprázase desde a India a Gran Bretaña para participar no Xubileo dos 50 anos de reinado e fica sorprendido ao descubrir que a soberana se interesa por el. A raíña empeza a poñer en cuestión as restricións que conleva a súa posición e entre os dous fráfuase unha alianza tan improbábel como leal, que o círculo doméstico e máis próximo á raíña tenta destruír. A medida que a súa amizade medra, a raíña empeza a ver un mundo cambiante con outra perspectiva e recupera un humanismo que cría perdido.