Alcaldesa segue os pasos de Ada Colau durante un ano, desde os inicios da candidatura de Barcelona en Comú até o día en que é investida alcaldesa da capital catalá. A crónica íntima dos feitos —cun vídeo-diario persoal da mesma Colau— e o acceso privilexiado ás entrañas da formación, móstranos un episodio que reúne dous argumentos universais: a consecución dunha vitoria histórica, paradigma dos cambios políticos do sur de Europa, e o combate interior de alguén que se está a converter no que tantas veces cuestionou.