A partir da historia da ópera Carmen de Bizet, analizamos a imaxe estereotipada do século XIX, da figura da muller xitana e de como se constituíu e perpetuou o enorme prexuízo que prevalece no imaxinario das sociedades occidentais, e que constitúe unha forma máis ou menos inconsciente de racismo. Ao mesmo tempo, asistimos ao empoderamento das organizacións de mulleres xitanas españolas que colectivamente pretenden defender e cambiar o que segue sendo a visión actual sobre as mulleres xitanas e as súas comunidades. Unha película que cruza a tradición operística e o activismo feminista xitano. 

Presentación e coloquio co director, Vasco Araújo, e a cineasta e catedrática Margarita Ledo Andión. Proxección incluída en Plataforma, Festival de artes performativas de Santiago.