David, director de cine, sentiuse en cuestión de poucos meses como un completo estraño na súa propia familia porque, na súa casa, as conversas cotiás  pasaron a ser protagonizadas por un novo membro: Deus. Primeiro o seu cuñado, logo a súa irmá, a súa nai e finalmente a súa irmá menor. Un tras outro foron converténdose ao Cristianismo e David, estupefacto, foise afastando cada vez máis. Até que un día lle propuxo á súa familia enfrontar todas as conversas pendentes. Desde o amor, sen prexuízos, e cunha cámara diante.