Co gallo da visita de Chema García Ibarra na estrea de Espíritu sagrado programamos unha sesión coas curtametraxes que lle outorgaron ao cineasta ilicitano a condición de autor de culto.

Sesión presentada por Chema García Ibarra

Leyenda dorada
Chema García Ibarra & Ion de Sosa | 2019 | 11 min.
Un día de verán na piscina municipal de Montánchez (Cáceres). Nas alturas, a Virxe da Consolación do Castelo mantén o seu ollo vixilante.

La disco resplandece 
Chema García Ibarra | 2016 | 13 min.
Un sábado de abril. Vai bo tempo. A sombra da montaña medra mentres cae a tarde. Cinco mozos preparan a noite: teñen alcol, un coche e música. Dá igual que a discoteca leve anos pechada.

Misterio
Chema García Ibarra | 2013 | 13 min.
Trini traballa como reparadora de calzado e ten problemas de sobrepeso, o seu marido está atado a unha bomba de osíxeno e o seu fillo é deficiente mental. Pero unha aparición da Virxe faralle tomar unha decisión trascendental.

Protopartículas
Chema García Ibarra | 2009 | 7 min.
A través dun experimento, un home tenta demostrar a existencia da protomateria, sustancia imaxinaria que apareceu en filmes como Superman ou Star Trek.

El ataque de los robots de Nebulosa-5
Chema García Ibarra | 2008 | 7 min.
Un mozo tenta en van alertar a súa familia da inminencia dun ataque de robots espaciais que acabará coa vida na Terra.