Peter Egerman comete un horríbel crime: viola e esgana a unha prostituta. Do caso ocúpase o psicanalista Mogens Jensen, pois el xa lle tiña confesado en consulta o seu desexo de asasinar á súa muller. A través dunha investigación policíaca narrada en forma semidocumental, vaise reconstruíndo o inquietante retrato do asasino, un home frustrado, sobre todo polo fracaso do seu matrimonio, cuxa única válvula de escape parece ser a violencia.