Invisible Ink
Dave Fleischer | 1921 | 7 min | B/N
O produtor Max Fleischer debuxa a man a Koko o pallaso, que comeza a interromper o traballo do artista o que leva a Max a tentar atrapar a súa propia creación. Xenial curtametraxe que combina acción real con imaxe animada.

Betty Boop: Minnie the Moocher
Dave Fleischer | 1932 | 8 min | B/N
Betty Boop foxe de casa co seu amigo, Bimbo o can, acabando nunha cova na que Cab Calloway canta "Minnie the Moocher".

Betty Boop: Snow-White
Dave Fleischer | 1933 | 7 min | B/N
Adaptación do célebre conto dos Irmáns Grimm no que ademais de Betty Boop, interveñen os míticos Bimbo e Koko, este último partindo dos movementos do músico Cab Calloway. Probablemente a curta máis popular do personaxe de Betty Boop.

Play Safe
Dave Fleischer | 1936 | 8 min | COR
O pequeno Junio decide cambiar o tren de xoguete por un tren real que transita nunah vía próxima. Afortunadamente o seu amigo canino Rover, está preto. A curta destaca por unha impresionante animación multiplano na secuencia do soño.

Popeye the Sailor Meets Sinbad the Sailor
Dave Fleischer | 1936 | 16 min | COR
Cando Sinbad o mariño secuestra a Olivia, Popeye embarcarase nunha aventura para rescatala. Primeira curtametraxe de Popeye realizada en Technicolor.

Popeye the Sailor: The Paneless Window Washer
Dave Fleischer | 1937 | 6 min | B/N
No exterior dun edificio de oficinas, Popeye e Brutus enfróntanse como limpadores de ventás rivales.

Superman: Billion Dollar Limited
Dave Fleischer | 1942 | 9 min | COR
O maior cargamento de ouro do mundo vai ser transportado en tren e a intrépida reporteira Lois Lane encóntrase a bordo para cubrir a noticia. Como non podía ser doutra maneira, o tren non tarda en ser asaltado por expertos ladróns que provocan o descontrol da locomotora.