Autor dunha obra insólita e profundamente persoal, Edgar Neville caeu parcialmente no esquecemento tras a súa morte. Co paso do tempo, a súa figura e a súa filmografía foron recuperadas e recoñecidas, ata converterse nunha referencia fundamental do cinema español do século XX. Este documental percorre a vida, a obra e o pensamento dun dos creadores máis singulares da cultura española da época.

José del Río é un documentalista con máis de vinte anos de experiencia en proxectos audiovisuais para o sector privado e para organismos públicos e culturais. Ao longo da súa carreira colaborou con cineastas como Santiago San Miguel e Miloš Forman. Entre os seus traballos figuran Ruta para un pentagrama (2023), Bach en Madrid (2014) e Escultura de cartón (2010).