Dous anos estiveron Alberto San Juan, Willy Toledo e Luis Bermejo a encher o Teatro del Barrio cunha obra sobre a historia recente de España que pivota arredor do emérito Juan Carlos I e pola que desfilan pantasmas do pasado como Adolfo Suárez, Felipe González, Cebrián, Carrero Blanco, Puig Antich ou Antonio Tejero. Na súa adaptación cinematográfica El rey explora recursos do teatro, hibridando linguaxes e construído unha ficción sobre a ignorancia, un revulsivo contra a cultura da transición que pode ser unha película incómoda debido ao seu repaso honesto e descarnado dos últimos anos da pel de touro.