Tras a Segunda Guerra Mundial o pai de Alicia Huberman, un espía nazi, é condeado por traizón contra os Estados Unidos. Despois do xuízo, Alicia dá unha festa na que aparece un aposto descoñecido chamado Devlin. Trátase dun axente dos servizos de Intelixencia que reclama a súa colaboración para atrapar a Alexander Sebastian, o cerebro dos nazis en Brasil. Ao comezo móstrase reacia, pero finalmente accede, sobre todo, porque namorou del. Unha vez en Brasil, Alicia gaña a simpatía de Sebastian e vai vivir á súa casa.