O máis grande documentalista vivo, o case nonaxenario Frederick Wiseman, non dá mostras de cansazo creativo. Tras as cenitais In Jackson Heights e National Gallery, proponnos unha reivindicación dunha gran biblioteca pública como un espazo de civismo e de respecto cara o outro, indisociable da hostilidade e crispación que se instalou en Norteamérica. Desde a súa óptica de gran angular, Wiseman compón unha sinfonía de puntos de vista, de intervencións de figuras relevantes da (contra)cultura ou de usuarios do montón da institución. E dese precioso magma rexorde a New York Public Library como oasis veraz de liberdade nun país polucionado polo populismo zafio, o odio, os fakes e a necia post-verdade.