Película documental que conta, por primeira vez, "o mundo invisible", espiritual e sobrenatural de Federico Fellini a través de extraordinarios materiais de arquivo inédito, imaxes dos seus filmes e entrevistas exclusivas.

Profundamente namorado da vida, Fellini viviu a súa mentres buscaba constantemente o seu significado. Con motivo do centenario do seu nacemento (20 de xaneiro do 1920), este documental investiga en profundidade a súa paixón polo que el definiu como "misterio" -o esotérico e o mundo invisible- na súa inesgotable procura de outras posibilidades, outras dimensións, outras viaxes; e de todo o que alimenta o voo do espírito e a mente. Estes temas, que impregnan a súa filmografía, foron obxecto da súa investigación persoal.