Tres historias de contradicións que se desenvolven en distintos lugares do planeta, en distintos ámbitos socioculturais. Estas historias articúlanse a través das palabras de José Mujica, ex-Presidente de Uruguai, quen no filme aborda cuestións universais que ameazan a humanidade. Un executivo xaponés en Toquio, cuxa vida se basea unicamente no seu traballo para unha corporación; unha comunidade subsahariana no Monte Gurugú, na fronteira entre África e Europa, que se xoga a vida unha e outra vez tentando cruzar ao Primeiro Mundo soñando cun futuro; unha familia en Madrid que, pese aos esforzos por ter unha vida que o sistema entende como normal, acaba desafiuzada do seu propio fogar.