Tras loitar na Primeira Guerra Carlista, Martín volve ao seu caserío familiar en Gipuzkoa e alí descobre con sorpresa que seu irmán menor, Joaquín, é moito máis alto do normal. Convencido de que todo o mundo quererá pagar por ver ao home máis grande sobre a Terra, ambos irmáns se embarcan nunha longa viaxe por Europa na que a ambición, o diñeiro e a sona mudarán para sempre o destino da familia. Unha historia inspirada en feitos reais.