Hedi é un mozo sinxelo: non fala moito nin ten moito carácter, tampouco espera demasiado dunha vida que xa ten trazada. Indiferente ante todo o que o rodea, acepta as cousas como se presentan: deixar que a súa nai, autoritaria e dominante, organice o seu matrimonio con Khedija; que o seu xefe o mande a Mahdia a semana da súa voda e que o seu irmán maior lle diga como debe comportarse. En Mahdia coñece a Rym, animadora dun hotel de praia no que cada vez hai menos turistas. Hedi sentirase atraído pola súa despreocupación e liberdade e acabarán tendo unha apaixonada aventura. Pero os preparativos para a voda seguen o seu curso e Hedi deberá elixir.