O 11 de maio de 1896, no circo Price, propiedade do cidadán inglés William Parish, o húngaro Edwin Rousby, empregando un animatógrafo, proxecta as primeiras imaxes en movemento que puideron verse en España. A partir deste feito, o noso narrador, Antonio Resines, vai debullando anécdotas até lograr compoñer unha abraiante historia, a do noso cinema. Esta narración mestúrase con testemuños de directores, actores e produtores que van ilustradas con imaxes dos filmes aos que se vai facendo referencia.