Nunha pequena localidade meridional francesa, Daniel, un rapaz que está a entrar na adolescencia, vive feliz coa súa avoa. Despois dun ano de instituto, marcha vivir coa súa nai e o seu mozo a Narbona. Aínda que a Daniel lle gustaría seguir estudando, a súa nai non pode pagalo, así que envíao a traballar como aprendiz nun taller. Na cidade descubrirá o mundo dos adultos, ao mesmo tempo que esperta a súa sexualidade.