Elsa e a súa irmá menor Maura, regresan á casa natal tras máis de 20 anos. Alí vive Carmen soa, a súa outra irmá, que mantén as precarias propiedades familiares. A doenza dexenerativa de Maura non para de avanzar, mentres Elsa pretende resolver con Carmen a partilla da herdanza de seus pais. Entre colleitas da améndoa e discusións nunca rematadas, agroman vellos conflitos que parecen espertar o rumor do volcán.

Un híbrido entre documental e ficción con elementos de suspense e misterio que está protagonizada pola familia real da directora: as súas dúas tías e a súa nai.