Con dezaoito anos, Andrés, Nata e o resto da banda de La Mala Familia cometeron un erro de consecuencias insospeitadas. Como resultado, Andrés acabou pasando un ano en prisión preventiva e, xunto a el, todos os seus amigos remataron inmersos nun traumático e enrevesado proceso xudicial. Agora, no 2021, lonxe do asfalto e coa distancia que impón o tempo, volven a reunirse para comprobar e demostrar que seguen sendo unha familia.