Mariana é unha muller de clase acomodada que ocupa os seus días dirixindo unha galería de arte e aprendendo a montar a cabalo. Desprazada dos negocios familiares, Mariana comeza sentirse atraída polo seu profesor de equitación Juan, un militar retirado investigado pola súa conexión coa ditadura chilena. Pero esta nova amizade levaraa a se encontrar cos abusos daqueles anos e cos muros invisíbeis que protexen a súa familia. Mariana verase forzada a tomar unha decisión respecto á súa relación con Juan ao descubrir o estreito vínculo entre este e seu pai desde aquela época.