Tippi Hedren é Marnie, unha secretaria ladroa e mentireira que se pon a traballar para Mark Rutland (Sean Connery) e tenta roubarlle. Mark, impulsivamente, casa con ela e tenta descubrir as causas do seu obsesivo comportamento. Mal acollida pola crítica no seu día, acabou por revelarse como unha das películas máis escuras, perturbadoras e ousadas de Hitchcock. Cleptomanía, traumas infantís e unha relación, a que manteñen os personaxes de Tippi Hedren e Sean Connery, alén do permisible, mesmo hoxe en día.