Tras perder a súa nai, Mía e Moi refúxianse nunha ruinosa casa familiar, no campo, en metade da nada. Con eles, Biel, o mozo de Moi. Xuntos os tres, tratan de descansar e sandar as feridas. Sobre todo no caso de Moi, que se recupera dunha forte crise nerviosa. Son días de recuperar lembranzas familiares, algunhas dolorosas, de reencontrarse, de vivir sen présa. A chegada de Mikel, o mozo de Mía, alterará a convivencia e perturbará de distinto xeito a cada un dos habitantes da casa. A tensión vai crecendo ata que estoupa nun acto de consecuencias irreversibles.