No remoto refuxio alpino do Niño do Aguia, Eva Braun recibe a visita do seu amante. Hitler chega acompañado dos seus máis fieis colaboradores, entre eles o contrafeito Joseph Goebbels, a súa esposa Magda e o ambicioso e autoritario Martin Bormann. Pasan un día de descanso entre comidas vexetarianas, paseos e danzas grotescas pola montaña, todo zarrapicado por paradoxais discusións que contribúen a debuxar a figura dun ditador decadente, paranoico e infantiloide, rodeado dun grupo servil e envexoso. Un cadro de banalidade e mesquindade cotiá, en vésperas da derrota nazi na fronte soviética, co espectro da morte e a soidade sobrevoando o conxunto.