Non hai pintor no mundo máis famoso e menos coñecido que Edvard Munch. Se o seu 'Grito' se conveteu no símbolo icónico da nosa angustia contemporánea, o resto da súa produción non é tan famosa. Hoxe, porén, Oslo, a antiga Kristiania, marcou un antes e un despois no coñecemento de Munch: o novo museo MUNCH (inaugurado en outubro do 2021) é un espectacular rañaceos sobre o fiorde da capital noruega destinado a albergar o inmenso legado que o artista fixo á súa cidade: 28.000 obras de arte, desde pinturas a gravados, pasando por debuxos, ademais de obxectos, cadernos de notas e bosquexos, fotografías e experimentos cinematográficos. En conxunto, ofrécenos unha abraiante visión da mente, das paixóns e a arte deste xenio do Norte, un home cun encanto extraordinario e misterioso, un precursor e un mestre.