A vida de Katja derrúbase cando o seu marido e o seu fillo morren nun atentado. A policía detén axiña uns sospeitosos —dous mozos relacionados co movemento neonazi— e Katja vese inmersa nun complicado proceso xudicial. Danilo, avogado e mellor amigo do seu marido, leva o caso e fará todo o posíbel para lle dar o apoio necesario a Katja, que cegada pola dor, só ten un obxectivo: por riba de todo, quere que se faga xustiza.