Unha luxosa voda da alta sociedade tórcese cando unha inesperada revolta social dá paso a un violento golpe de estado, visto a través dos ollos da moza e solidaria noiva e dos serventes que traballan para a súa adiñeirada familia.

Gañadora do Gran Premio do Xurado e do Premio Leoncino D'Oro (Xurado Novo) no Festival de Venecia. O cineasta Michel Franco, o enfant terrible do cinema mexicano, premiado tres veces no Festival de Cannes polas súas películas 'Después de Lucía', 'Chronic' e 'Las hijas de abril', entréganos este sorprendente filme sobre a condición humana e as relacións de poder.