No glamuroso Londres dos anos 50, tras a guerra, o célebre modisto Reynolds Woodcock e a súa irmá Cyril son o centro de todas as miradas no mundo da moda británica: visten a realeza, estrelas de cinema, herdeiras, membros da alta sociedade, debutantes e damas co inconfundíbel estilo da Casa Woodcock. Pola vida do deseñador desfilan todo tipo de mulleres, brindándolle inspiración e compañía, até que se cruza no seu camiño unha moza de convicións férreas, Alma, que axiña se converte nun piar do seu día a día como musa e amante. A vida de Woodcock, até entón coidadosamente controlada e planificada como todos os seus patróns de costura, vese sacudida polo amor.